Tyto alba   Western Barn Owl  Nonnetjie-uil
Nonnetjie-uil
24 Rivers Farm, Mei 2018

Gebiedsgebonde standvoël, kom wydverspreid voor in landbougebiede. Alleen of in pare, slaap bedags in skure, Hamerkopneste, in holtes van kranse en dongawalle of in groot gate in bome. Nagvoëls en hul teenwoordigheid word verraai deur hul krysende geroep.
Western Barn Owl Waterberg distribution
Barn Owl barn
24 Rivers Farm, Mei 2018

Die Engelse benaming is nie om dowe neute nie, hierdie voëls word soos magnete aangetrek na ongebruikte skure soos hierdie een op die plaas Vier-en-twintig Riviere. As die boer 'n neskas binne die skuur teen 'n muur vassit, sal die voëls jaar na jaar daar broei en het die boer gratis plaagbeheer. 'n Analise wat gemaak is van die mis in hierdie skuur het 440 reste van hul prooi opgelewer waarvan 85% knaagdiere was (246 items) en skeerbekmuise (126 items). Op hierdie plaas is skeerbekmuise en klimmuise die gewildste op die spyskaart, maar dit sal wissel van plek tot plek.


tuis       home      voëllys      next